തിരുവനന്തപുരം: തിരുവനന്തപുരം ജില്ലയില്‍ നാളെ കെ.എസ്.ആര്‍.ടി.സി ജീവനക്കാരുടെ പണിമുടക്ക്. രാവിലെ ആറു മണി മുതല്‍ വൈകിട്ട് ആറുവരെയാണ് പണിമുടക്ക്. പണിമുടക്ക് സിറ്റി സര്‍വീസുകളെയും ദീര്‍ഘ ദൂര സര്‍വീസുകളെയും ബാധിക്കുമെന്ന് സംയുക്ത തൊഴിലാളി യൂണിയനുകള്‍ അറിയിച്ചു.
തമ്പാനൂര്‍ സ്റ്റാന്‍ഡില്‍ നിന്ന് കെ.എസ്.ആര്‍.ടി.സി ബസുകള്‍ ദീര്‍ഘ ദൂര സര്‍വീസുകള്‍ നടത്തില്ല. അയല്‍ ജില്ലകളില്‍ നിന്നു വരുന്ന സര്‍വീസുകള്‍ തിരുവനന്തപുരം ജില്ലാ അതിര്‍ത്തിയില്‍ സര്‍വീസ് അവസാനിപ്പിക്കും.
സര്‍ക്കാരും തൊഴിലാളി സംഘടനകളും തമ്മിലുള്ള ചര്‍ച്ച പരാജയപ്പെട്ടതിനെ തുടര്‍ന്ന് ഇന്ന് ജീവനക്കാര്‍ പണിമുടക്ക് നടത്തിയിരുന്നു.
Comments