തിരുവനനന്തപുരം: വിശ്വഹിന്ദു പരിഷത്ത് സംസ്ഥാനത്ത് നടപ്പാക്കുന്ന കൂട്ട മതംമാറ്റ ചടങ്ങുകളില്‍ പരാതി ലഭിച്ചാല്‍ കേസെടുക്കുമെന്ന് ആഭ്യന്തരമന്ത്രി രമേശ് ചെന്നിത്തല. നിര്‍ബന്ധിച്ചോ പ്രലോഭിപ്പിച്ചോ മതം മാറ്റാനുള്ള നീക്കം അനുവദിക്കില്ല. അങ്ങനെ മതം മാറ്റം നടന്നിട്ടുണ്ടെങ്കില്‍ പരാതി കിട്ടിയാല്‍ പൊലീസ് കേസെടുക്കും. ഘര്‍ വാപസിയിലൂടെ കേരളത്തില്‍ മതസ്പര്‍ദ്ധ വളര്‍ത്താനുള്ള ശ്രമങ്ങളാണ് നടക്കുന്നത്. ഇതില്‍ നിന്നും സംഘപരിവാര്‍ സംഘടനകള്‍ പിന്മാറണമെന്നും ചെന്നിത്തല ആവശ്യപ്പെട്ടു.
Comments