എസ്.എസ്.എല്‍.സി ഫലത്തിലെ പിഴവുകള്‍ പരിഹരിച്ചതോടെ വിജയശതമാനം 98.57 ആയി ഉയര്‍ന്നു. 97.99 ആയിരുന്നു മുന്‍പ് പ്രഖ്യാപിച്ച വിജയശതമാനം. പരിഷ്‌കരിച്ച ഫലം പ്രഖ്യാപിച്ചതോടെ 2800 കുട്ടികള്‍ക്കുകൂടി എ പ്ലസ് ലഭിച്ചു. പരീക്ഷാഭവന്റെ വെബ് സൈറ്റിലാണ് പരിഷ്‌കരിച്ച ഫലം പ്രഖ്യാപിച്ചിട്ടുള്ളത്. മന്ത്രി വീണ്ടും ഫലപ്രഖ്യാപനം നടത്തില്ലെന്ന് നേരത്തെതന്നെ വിദ്യാഭ്യാസവകുപ്പ് വ്യക്തമാക്കിയിരുന്നു. ശനിയാഴ്ച രാത്രിയോടെ ഫലപ്രഖ്യാപനം നടത്താന്‍ തീവ്രശ്രമം നടത്തിയെങ്കിലും വിജയിച്ചില്ല. ഞായറാഴ്ച പരിഷ്‌കരിച്ച ഫലം പുറത്തുവിട്ടു.