നേപ്പാളില്‍ ശനിയാഴ്ചയുണ്ടായ ഭൂകമ്പത്തില്‍ മരിച്ചവരുടെ എണ്ണം 2,500 കവിഞ്ഞു. ഇപ്പോഴും 1000ത്തിലധികം പേര്‍ കെട്ടിടാവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നതായാണ് സൂചന. മരണസംഖ്യ 5,000 കടന്നേക്കും. 4,700 പേര്‍ക്ക് പരിക്കേറ്റതായി നേപ്പാള്‍ ആഭ്യന്തര മന്ത്രാലയം സ്ഥിരീകരിച്ചു. അതിനിടെ, ഞായറാഴ്ച രാവിലെ റിക്ടര്‍ സ്കെയിലില്‍ 6.7 രേഖപ്പെടുത്തിയതുള്‍പ്പെടെ മൂന്ന് തുടര്‍ഭൂകമ്പങ്ങളുണ്ടായി. ഇതില്‍ ഉത്തരേന്ത്യയുടെ പലഭാഗങ്ങളും വിറച്ചു. തുടര്‍ചലനത്തില്‍ രാജസ്ഥാനില്‍ ഒരു പെണ്‍കുട്ടി മരിച്ചു. വീടിന്‍െറ മേല്‍ക്കൂര തകര്‍ന്നുവീണാണ് മരണം. ഇന്ത്യയില്‍ മരിച്ചവരുടെ എണ്ണം 71 ആയി. നേപ്പാളില്‍ രക്ഷാപ്രവര്‍ത്തനം യുദ്ധകാലാടിസ്ഥാനത്തില്‍ പുരോഗമിക്കുകയാണ്. 1050 ഇന്ത്യക്കാരെ വ്യോമസേന നാട്ടിലത്തെിച്ചു.