കൊച്ചി: ബാര്‍കോഴ കേസില്‍ ആരോപണവിധേയരായ ധനമന്ത്രി കെ.എം മാണി. എക്സൈസ് മന്ത്രി കെ.ബാബു എന്നിവര്‍ക്ക് അധികാരത്തില്‍ തുടരാന്‍ യോഗ്യതയില്ലെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. ഇരു മന്ത്രിമാരുടെയും വസതികളില്‍ വിജിലന്‍സ് റെയ്ഡ് നടത്തിയ സ്ഥിതിക്ക് ഇരുവര്‍ക്കും ഒരുനിമിഷം പോലും തല്‍സ്ഥാനത്ത് തുടരാന്‍ അര്‍ഹതയില്ല. ഇവര്‍ ഉടന്‍ രാജിവെച്ച് പുറത്തു പോകണമെന്നും കോടിയേരി ആവശ്യപ്പെട്ടു. ബാര്‍കോഴ കേസില്‍ മെയ് 7-ാം തീയ്യതി മുതല്‍ എല്‍.ഡി.എഫിന്‍െറ നേതൃത്വത്തില്‍ തുടര്‍പ്രക്ഷോഭം ആരംഭിക്കുമെന്നും കോടിയേരി വ്യക്തമാക്കി.
Comments