തൊടുപുഴ ന്യൂമാന്‍ കോളജ് അധ്യാപകനായിരുന്ന പ്രഫ. ടി.ജെ.ജോസഫിന്‍െറ കൈ വെട്ടിയ കേസില്‍ എറണാകുളം പ്രത്യേക എന്‍.ഐ.എ കോടതി വ്യാഴാഴ്ച വിധി പറയും. വാഹന പണിമുടക്കിന്‍െറ പശ്ചാത്തലത്തില്‍ വിധി പറയുന്നത് വീണ്ടും മാറ്റിവെക്കുമെന്ന് അഭ്യൂഹമുണ്ടായിരുന്നെങ്കിലും അഭിഭാഷകരുമായി ആലോചിച്ചശേഷം കോടതി ഇന്ന് തന്നെ വിധി പറയാന്‍ തീരുമാനിക്കുകയായിരുന്നു. പല കാരണങ്ങളാല്‍ മൂന്ന് തവണ മാറ്റിവെച്ചശേഷമാണ് പ്രത്യേക കോടതി ജഡ്ജി പി.ശശിധരന്‍ കേസില്‍ വിധി പറയുന്നത്. 2010 ജൂലൈ നാലിന് മൂവാറ്റുപുഴ നിര്‍മല മാതാ പള്ളിയില്‍നിന്ന് കുര്‍ബാന കഴിഞ്ഞ് മടങ്ങവെയാണ് അക്രമിസംഘം പ്രഫസറുടെ കൈവെട്ടിമാറ്റിയത്. 23 മാസം നീണ്ട വിചാരണക്കൊടുവിലാണ് 31 പ്രതികളുടെ വിധി കോടതി പ്രഖ്യാപിക്കുന്നത്.