മാലെദ്വീപില്‍ സര്‍ക്കാര്‍ വിരുദ്ധ പ്രക്ഷോഭകരും പോലീസും ഏറ്റുമുട്ടിയതിനെത്തുടര്‍ന്ന് പ്രതിപക്ഷത്തെ പ്രമുഖ നേതാവടക്കം 192 പേര്‍ അറസ്റ്റിലായി. ഇസ്‌ലാമിക് കണ്‍സര്‍വേറ്റീവ് അദാലത്ത് (ജസ്റ്റിസ് പാര്‍ട്ടി) നേതാവ് ഷെയ്ഖ് ഇമ്രാനാണ് അറസ്റ്റിലായത്.
പ്രസിഡന്റ് യാമീന്‍ അബ്ദുള്‍ ഗയൂം രാജിവെക്കണമെന്നും തടവിലാക്കിയ മുന്‍ പ്രസിഡന്റ് മുഹമ്മദ് നഷീദിനെ മോചിപ്പിക്കണമെന്നും ആവശ്യപ്പെട്ടാണ് പ്രക്ഷോഭം. പ്രക്ഷോഭകരുടെ നേതാവായ ഇമ്രാന്റെ അറസ്റ്റ് മാലെദ്വീപിലെ സ്ഥിതിഗതികള്‍ വഷളാക്കുമെന്ന് മാധ്യമങ്ങള്‍ റിപ്പോര്‍ട്ട് ചെയ്തു.
Comments