നരേന്ദ്ര മോദി സര്ക്കാര് ഒന്നാം വാര്ഷികം ആഘോഷിക്കാനിരിക്കെ കേന്ദ്ര സര്ക്കാരിനും ബി.ജെ.പി.ക്കുമെതിരെ രൂക്ഷമായ വിമര്ശവുമായി മുന്കേന്ദ്രമന്ത്രി അരുണ് ഷൂറി രംഗത്ത്. മോദി സര്ക്കാരിന്റെ സാമ്പത്തിക നയങ്ങള്ക്ക് ലക്ഷ്യബോധമില്ലെന്നും മോദിയും അമിത്ഷായും അരുണ് ജെയ്റ്റ്ലിയും അടങ്ങുന്ന ത്രിമൂര്ത്തി സംഘം തീരുമാനങ്ങള് കുത്തകയാക്കിവച്ചിരിക്കുകയാണെന്നും വാജ്പെയി സര്ക്കാരില് ഐ.ടി. വകുപ്പും ഓഹരി വിറ്റഴിക്കല് വകുപ്പും കൈകാര്യം ചെയ്തിരുന്ന അരുണ് ഷൂറി ഒരു ടെലിവിഷന് ചാനലിന് അനുവദിച്ച അഭിമുഖത്തില് കുറ്റപ്പെടുത്തി. മോദി സര്ക്കാരില് ധനമന്ത്രിയാകുമെന്ന് കരുതിയ ആളായിരുന്നു പ്രമുഖ മാധ്യമപ്രവര്ത്തകന് കൂടിയായ ഷൂറി.
Comments