ബാര്‍ കോഴക്കേസില്‍ മന്ത്രിമാരായ കെ.ബാബു, കെ.എം.മാണി എന്നിവര്‍ രാജിവയ്ക്കണമെന്ന് ആവശ്യപ്പെട്ട് എല്‍ഡിഎഫ് സംഘടിപ്പിച്ച സമരവേദിയില്‍ കേരള കോണ്‍ഗ്രസ്-ബി എംഎല്‍എ കെ.ബി.ഗണേഷ്‌കുമാറും. പ്രതിപക്ഷ അംഗങ്ങള്‍ കൈയടിയോടെയാണു ഗണേഷിനെ സ്വീകരിച്ചത്. പ്രതിപക്ഷ നേതാവ് വി.എസ്.അച്യുതാനന്ദന്‍ ഉദ്ഘാടനം ചെയ്ത സമരത്തില്‍ എല്‍ഡിഎഫിലെ വിവിധ കക്ഷി നേതാക്കള്‍ പങ്കെടുത്തു. സിപിഐ നേതാവ് പന്ന്യന്‍ രവീന്ദ്രന്‍, സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍, എല്‍ഡിഎഫ് നേതാക്കളായ രാമചന്ദ്രന്‍ കടന്നപ്പള്ളി, മാത്യു ടി.തോമസ്, കെ.ആര്‍.അരവിന്ദാക്ഷന്‍ സിപിഎം തിരുവനന്തപുരം ജില്ലാ സെക്രട്ടറി കടകംപള്ളി സുരേന്ദ്രന്‍, എന്‍സിപി സംസ്ഥാന പ്രസിഡന്റ് ഉഴവൂര്‍ വിജയന്‍ എന്നിവര്‍ സംസാരിച്ചു. എല്‍ഡിഎഫ് നേതാക്കളും തിരുവനന്തപുരം ജില്ലയിലെ തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികളും ഉപരോധത്തില്‍ പങ്കെടുത്തു.
Comments