ബാര്‍ കോഴക്കേസില്‍ എക്‌സൈസ് മന്ത്രി കെ.ബാബുവിനെതിരായ അന്വേഷണം മുഖ്യമന്ത്രി അട്ടിമറിക്കാന്‍ ശ്രമിക്കുകയാണെന്നു ബിജു രമേശ് ആരോപിച്ചു. ബാബുവിനെതിരായ അന്വേഷണം ഏഴു ദിവസത്തിനകം പൂര്‍ത്തിയാക്കണമെന്നു മുഖ്യമന്ത്രി ഉദ്യോഗസ്ഥരോട് ആവശ്യപ്പെട്ടു. പണം എവിടെ പോയെന്നു ബാബു വിളിച്ചുപറയുമോ എന്ന ഭയമാണു മുഖ്യമന്ത്രിക്ക്. വിശദമായ മൊഴി രേഖപ്പെടുത്താന്‍ അന്വേഷണ ഉദ്യോഗസ്ഥര്‍ വിസമ്മതിച്ചുവെന്നും ബിജു ആരോപിച്ചു.