പ്രഫ. എന്‍. ജയരാജ് എംഎല്‍എ യുഡിഎഫ് മധ്യമേഖലാജാഥയുടെ ക്യാപ്റ്റനാകും. കേരള കോണ്‍ഗ്രസ് -എമ്മാണ് ഇതു സംബന്ധിച്ച തീരുമാനമെടുത്തത്. മധ്യമേഖലാ ജാഥയുടെ നേതൃസ്ഥാനം കേരള കോണ്‍ഗ്രസിനാണ്. ആദ്യം സി.എഫ്. തോമസിനെയായിരുന്നു ജാഥാ ക്യാപ്റ്റനായി നിശ്ചയിച്ചത്. എന്നാല്‍ അനാരോഗ്യം ചൂണ്ടിക്കാട്ടി അദ്ദേഹം ക്യാപ്റ്റന്‍ സ്ഥാനമൊഴിഞ്ഞിരുന്നു. തുടര്‍ന്നു ജോസ് കെ. മാണി നേതൃസ്ഥാനത്തെത്തുമെന്നും അഭ്യൂഹങ്ങളുണ്ടായിരുന്നു. എന്നാല്‍ ജോസ് കെ. മാണി ജാഥ നടക്കുന്ന സമയത്തു കേരളത്തിലുണ്ടാവില്ലെന്നറിയിക്കുകയായിരുന്നു. ജോസ് കെ. മാണിയെ ജാഥാ ക്യാപ്റ്റനാക്കുന്നതില്‍ കോണ്‍ഗ്രസിനും അതൃപ്തിയുണ്ടായിരുന്നു.ഇതേ തുടര്‍ന്നാണു ജയരാജ് എംഎല്‍എയ്ക്കു നറുക്കു വീണത്.