പി.ഡി.പി. നേതാവ് അബ്ദുല്നാസര് മഅ്ദനി ഇന്ന് ഉച്ചയോടെ നാട്ടിലെത്തും. കര്ണാടക പോലിസിന്െറ പ്രത്യേക സംഘവും അദ്ദേഹത്തോടൊപ്പമുണ്ടാകും. മഅ്ദനിയുടെ സുരക്ഷാചുമതല കര്ണാടകക്കായതിനാലാണിത്. ഉച്ചയ്ക്ക് 12.20-നുള്ള വിമാനത്തില് ബംഗളുരുവില് നിന്ന് പുറപ്പെടുന്ന മഅ്ദനി ഒന്നരയോടെ നെടുമ്പാശ്ശേരി വിമാനത്താവളത്തിലെത്തും. തുടര്ന്ന് റോഡുമാര്ഗം അന്വാര്ശ്ശേരിയിലേക്ക് പോകും. സൂഫിയ മഅ്ദനിയും മകനും ഒപ്പമുണ്ടാകും. തിരുവനന്തപുരത്ത് ചികിത്സയിലുള്ള ഉമ്മയെ കാണാന് സുപ്രീംകോടതി അഞ്ചുദിവസം നാട്ടില് തങ്ങുന്നതിന് മഅദനിക്ക് വെള്ളിയാഴ്ച അനുവാദം നല്കിയിരുന്നു.
Comments