സംസ്ഥാനത്ത് അടുത്ത 24 മണിക്കൂര്, കടല്ക്ഷോഭത്തിന് സാധ്യതയുള്ളതിനാല് തീരദേശത്തുള്ളവര് അതീവ ജാഗ്രതപുലര്ത്തണമെന്ന് സംസ്ഥാന ദുരന്തനിവാരണ അതോറിറ്റി മുന്നറിയിപ്പ് നല്കി. 2.2 മീറ്റര് വരെ ഉയരത്തില് തിരമാലകള് അടിക്കാന് സാധ്യതയുണ്ട്.
ഉത്തരപടിഞ്ഞാറന് മേഖലയില്നിന്ന് വീശുന്ന ശക്തമായ കാറ്റാണ് കടല്ക്ഷോഭത്തിന് കാരണം. രണ്ടു ദിവസമായി തെക്കന് ജില്ലകളില് വീശുന്ന കാറ്റ് അടുത്ത 24 മണിക്കൂറിനുള്ളില് ഉത്തരകേരളത്തിലേക്കും വ്യാപിച്ചേക്കും. അങ്ങനെയെങ്കില് ഉത്തരമേഖലയിലും കടല്ക്ഷോഭം ശക്തിയാര്ജിക്കും.
ഞായറാഴ്ച രാവിലെ മുതല് മലബാര് മേഖലയില് കടല്ക്ഷോഭം ശക്തമായിരുന്നു. ഇതു കൂടുതല് രൂക്ഷമാകാന് സാധ്യതയുണ്ടെന്നാണ് ദുരന്തനിവാരണ അതോറിറ്റി പറയുന്നത്.
Comments