നീതിയുടെ കിരണങ്ങള്‍ കണ്ടു തുടങ്ങിയെന്നു പിഡിപി നേതാവ് അബ്ദുള്‍ നാസര്‍ മഅദനി. നീതിയുടെ പൂര്‍ണ സൂര്യോദയം ഉടന്‍ ഉണ്ടാകുമെന്നാണു പ്രതീക്ഷയെന്നും അദ്ദേഹം പറഞ്ഞു ബംഗളൂരുവില്‍ നിന്നും വിമാനമാര്‍ഗം നെടുമ്പാശേരിയിലെത്തിയ മഅദനി വിമാനത്താവളത്തില്‍ മാധ്യമങ്ങളോടു സംസാരിക്കുകയായിരുന്നു.സുപ്രീംകോടതിയുടെ തീരുമാനത്തില്‍ സന്തോഷമുണ്‌ടെന്നും ദൈവത്തിനു നന്ദി പറയുന്നതായും മഅദനി പറഞ്ഞു. അമ്മയേയും കേരളത്തിലെ ജനങ്ങളേയും കാണാന്‍ സാധിക്കുന്നതില്‍ സന്തോഷമുണ്‌ടെന്നും അദ്ദേഹം പറഞ്ഞു.പഴയ ബെഞ്ചില്‍ തന്നെ വിചാരണ നടത്തിയാല്‍ കേസ് വേഗത്തില്‍ തീരുമെന്നാണു പ്രതീക്ഷയെന്നും മഅദനി പറഞ്ഞു.