യു.ഡി.എഫ്. സര്‍ക്കാറിന്‍്റെ അഴിമതിക്കും ഒത്തുകളി ഭരണത്തിനുമെതിരെ ബി.ജെ.പിയുടെ സെക്രട്ടേറിയറ്റ് ഉപരോധം തുടങ്ങി. തിങ്കളാഴ്ച വൈകീട്ട് ആരംഭിച്ച സമരം ഇന്ന് ബി.ജെ.പി ദേശീയ അധ്യക്ഷന്‍ അമിത്ഷാ ഉദ്ഘാടനം ചെയ്യും. കന്‍്റോണ്‍മെന്‍്റ് ഗേറ്റ് ഒഴികെയുള്ള മുഴുവന്‍ ഗേറ്റുകളും സമരക്കാര്‍ ഉപരോധിക്കുന്നുണ്ട്. മുന്‍ കേന്ദ്രമന്ത്രി ഒ. രാജഗോപാല്‍, ബി.ജെ.പി. സംസ്ഥാന പ്രസിഡന്‍്റ് വി. മുരളീധരന്‍ എന്നിവരടക്കമുള്ള നേതാക്കള്‍ ഉപരോധത്തില്‍ പങ്കെടുക്കുന്നുണ്ട്.
ഉപരോധസമരം നടക്കുന്നതിനാല്‍ ചൊവ്വാഴ്ച നഗരത്തില്‍ ഗതാഗതനിയന്ത്രണം ഏര്‍പ്പെടുത്തിയിട്ടുണ്ട്. ഉച്ചക്ക് 3ന് തൈക്കാട് ഗസ്റ്റ്ഹൗസില്‍ നടക്കുന്ന ബി.ജെ.പി. സംസ്ഥാന ഭാരവാഹികളുടെ കോര്‍ കമ്മിറ്റി യോഗത്തില്‍ അമിത്ഷാ സംസാരിക്കും. വൈകുന്നേരം 5ന് സ്റ്റാച്യുവിലെ സംസ്കൃതി ഭവനില്‍ നടക്കുന്ന പാര്‍ട്ടി പ്രമുഖരുടെയും പൗരപ്രമുഖരുടെയും യോഗവും അമിത്ഷാ ഉദ്ഘാടനം ചെയ്യും.
Comments