പ്ളസ്ടു^ വി.എച്ച്.എസ്.ഇ ഫലം പ്രഖ്യാപിച്ചു. പ്ളസ്ടുവില്‍ 83.96 ശതമാനം വിദ്യാര്‍ഥികള്‍ ഉപരിപഠനത്തിന് യോഗ്യത നേടി.
കഴിഞ്ഞവര്‍ഷം 79.39 ശതമാനമായിരുന്നു വിജയം. 10839 പേര്‍ക്കാണ് മുഴുവന്‍ വിഷയങ്ങള്‍ക്കും എ പ്ളസ് ലഭിച്ചത്. 89.34 ശതമാനം പെണ്‍കുട്ടികളും 77.78 ശതമാനം ആണ്‍കുട്ടികളും വിജയിച്ചു. എറ്റവും കൂടുതല്‍ വിജയ ശതമാനമുള്ള ജില്ല കോഴിക്കോടാണ്. 87.5 ശതമാനം. ഏറ്റവും കുറവ് വിജയ ശതമാനമുള്ള ജില്ല പത്തനംതിട്ട(76.11). 59 സ്കൂളുകള്‍ നൂറു ശതമാനം വിജയം നേടി.

വി.എച്ച്.എസ്.ഇയില്‍ 91.63 ശതമാനം വിദ്യാര്‍ഥികള്‍ ഉപരിപഠനത്തിന് യോഗ്യത നേടിയിട്ടുണ്ട്. പി.ആര്‍ ചേംബറില്‍ വിദ്യാഭ്യാസ മന്ത്രി പി.കെ. അബ്ദുറബ്ബാണ് ഫലം പ്രഖ്യാപിച്ചത്.