ന്യൂഡല്ഹി: സി.ബി.എസ്.ഇ 12ാം ക്ളാസ് പരീക്ഷാഫലം പ്രസിദ്ധീകരിച്ചു. 82 ശതമാനം പേര് വിജയിച്ചു. കഴിഞ്ഞ വര്ഷത്തേക്കാള് 0.72 ശതമാനം കുറവാണെന്ന് സി.ബി.എസ്.ഇ അറിയിച്ചു. രാജ്യത്താകെ 10 ലക്ഷം കുട്ടികളാണ് പരീക്ഷ എഴുതിയിരുന്നത്.
തിരുവനന്തപുരം മേഖലയിലാണ് ഏറ്റവും കൂടുതല് വിജയശതമാനം. 95.41 ശതമാനമാണ് ഇവിടുത്തെ വിജയം.മലയാളിയായ എം. ഗായത്രി 496 മാര്ക്കോടെ ഒന്നാം സ്ഥാനം നേടി. സാകേത് ന്യൂഗ്രീന് ഫീല്ഡ് സ്കൂളിലെ വിദ്യാര്ഥിനിയാണ്. തിരുവനന്തപുരം സ്വദേശി കെ.മോഹനന്റെ മകളാണ് ഗായത്രി. നോയിഡ അമിറ്റി ഇന്റര്നാഷണല് സ്കൂളിലെ മൈഥിലി മിശ്ര 495 മാര്ക്ക് നേടി രണ്ടാം സ്ഥാനത്തെത്തി.
പരീക്ഷാഫലം www.results.nic.in, www.cbseresults.nic.in, www.cbse.nic.in. എന്നീ വെബ്സൈറ്റുകളില് ലഭ്യമാണ്.സി.ബി.എസ്.ഇ 10ാം ക്ളാസ് പരീക്ഷാഫലം മേയ് 27നാണ് പുറത്തുവരുക. 13 ലക്ഷത്തോളം വിദ്യാര്ഥികളാണ് പരീക്ഷാഫലത്തിനായി കാത്തിരിക്കുന്നത്.
Comments