ഘാന തലസ്ഥാനമായ അക്രയിലെ ഗ്യാസ് സ്‌റ്റേഷനിലുണ്ടായ പൊട്ടിത്തെറിയില്‍ മരിച്ചവരുടെ എണ്ണം 200 കവിഞ്ഞു. ബുധനാഴ്ചയാണ് എന്‍ക്രുമ സര്‍ക്കിളിലെ ഗ്യാസ് സ്‌റ്റേഷനില്‍ പൊട്ടിത്തെറിയോടെ തീപ്പിടിത്തമുണ്ടായത്. ശക്തമായ മഴയെ തുടര്‍ന്ന് ഗ്യാസ് സ്‌റ്റേഷനില്‍ അഭയം തേടിയവരാണ് അപകടത്തില്‍പ്പെട്ടവരില്‍ ഏറെയും.
വെള്ളപ്പൊക്കത്തില്‍ ഗ്യാസ് സ്‌റ്റേഷനിലെ ഇന്ധനം ചോര്‍ന്ന് വെള്ളത്തില്‍ കലരുകയും ഇതിന് തീ പിടിക്കുകയുമായിരുന്നുവെന്ന് ദൃക്‌സാക്ഷികള്‍ പറഞ്ഞു. റോഡുകളിലെല്ലാം വെള്ളം കയറിയതിനാല്‍ അഗ്‌നിശമന സേനയ്ക്ക് പെട്ടന്ന് ഗ്യാസ് സ്‌റ്റേഷനില്‍ എത്താന്‍ കഴിഞ്ഞതുമില്ല.
മൃതദേഹങ്ങള്‍ അക്രയിലെ സൈനിക ആസ്പത്രിയില്‍ സൂക്ഷിച്ചിരിക്കുകയാണ്. കൂടുതല്‍ മൃതദേഹങ്ങള്‍ക്കായുള്ള തിരച്ചിലും തുടരുന്നുണ്ട്. അപകടത്തെതുടര്‍ന്ന് രാജ്യത്ത് മൂന്ന് ദിവസത്തെ ഔദ്യോഗിക ദു:ഖാചരണം പ്രഖ്യാപിച്ചിരിക്കുകയാണ്
Comments