കേരളസമൂഹത്തിന്റെ മാറിയ ചിന്താഗതി ഉള്‍ക്കൊള്ളാനുള്ള കഴിവ് സി.പി.എമ്മിന് ഇല്ലെന്ന് മുതിര്‍ന്ന കോണ്‍ഗ്രസ് നേതാവ് എ.കെ ആന്റണി. ഇവിടെ വേണ്ടത് ഉടക്ക് രാഷ്ട്രീയമല്ല, വികസന രാഷ്ട്രീയമാണ്. കമ്മ്യൂണിസ്റ്റുകാര്‍ വികസന വിരോധികളാണെന്നും ആന്റണി പറഞ്ഞു. അരുവിക്കരയില്‍ യു.ഡി.എഫ് തിരഞ്ഞെടുപ്പ് കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം.

യുവ വോട്ടര്‍മാരെ ലക്ഷ്യമിട്ടുകൊണ്ടുള്ളതായിരുന്നു ആന്റണിയുടെ ഉദ്ഘാടന പ്രസംഗം. ഊര്‍ജ്ജസ്വലമായ യുവത്വത്തിന്റെ പ്രതീകമാണ് ശബരീനാഥന്‍. കാര്‍ത്തികേയന്റെ രക്തമാണ് ശബരീനാഥന്. ശബരീനാഥന്‍ ആധുനിക കാലഘട്ടത്തിനാവശ്യമുള്ള പദ്ധതികള്‍ കൂടി ആവിഷ്‌കരിക്കും- ആന്റണി പറഞ്ഞു.