കേരളത്തിലും ലക്ഷദ്വീപിലും ജൂണ്‍ 12 വരെ ഇടിയോടുകൂടിയ മഴക്ക് സാധ്യത. ചൊവ്വാഴ്ച ഒറ്റപ്പെട്ട സ്ഥലങ്ങളില്‍ കനത്തമഴയുണ്ടാവുമെന്ന് കാലാവസ്ഥാ നിരീഷണ കേന്ദ്രം അറിയിച്ചു. ഞായറാഴ്ച മിക്ക സ്ഥലങ്ങളിലും മഴയുണ്ടായി. ചേര്‍ത്തല, കായംകുളം തുടങ്ങിയ സ്ഥലങ്ങളില്‍ എട്ട് സെന്‍റിമീറ്റര്‍ മഴ പെയ്തു. കണ്ണൂര്‍, കുന്നംകുളം- ഏഴ്, ചെങ്ങന്നൂര്‍, പൊന്നാനി, തിരുവനന്തപുരം-ആറ്, ആലപ്പുഴ, ഹരിപ്പാട്, തവന്നൂര്‍ -അഞ്ച്,കൊച്ചി, കാക്കനാട്, പിറവം, മങ്കൊമ്പ്, തളിപ്പറമ്പ്, തലശ്ശേരി, മഞ്ചേശ്വരം, ചെറുതാഴം,കൊല്ലം, കരിപ്പൂര്‍, പട്ടാമ്പി, തൃത്താല, നെയ്യാറ്റിന്‍കര, വൈത്തിരി, പൂക്കോട്, മീനങ്ങാടി-മൂന്ന്, കോട്ടയം, കുമരകം, കോഴിക്കോട്, വെളളാനിക്കര, കൊടുങ്ങല്ലൂര്‍, എറണാകുളം, തൊടുപുഴ, ഇരിക്കൂര്‍, മട്ടന്നൂര്‍, നെടുമങ്ങാട് രണ്ട് സെന്‍റിമീറ്ററും മഴ പെയ്തു.