വ്യോമസേനയുടെ ജാഗ്വാര്‍ വിമാനം ചൊവ്വാഴ്ച രാവിലെ അലഹബാദില്‍ തകര്‍ന്നുവീണു. ഈവര്‍ഷം തകര്‍ന്നുവീഴുന്ന രണ്ടാമത്തെ ജാഗ്വാര്‍ വിമാനമാണിത്. പതിവ് പരിശീലന പറക്കലിനിടെയാണ് വിമാനം അപകടത്തില്‍പ്പെട്ടതെന്ന് വ്യോമസേനാ വക്താവ് പറഞ്ഞു. രാവിലെ 7:25 ന് അലഹബാദില്‍നിന്ന് പറന്നുയര്‍ന്ന വിമാനം 13 കിലോമീറ്റര്‍ അകലെയാണ് തകര്‍ന്നുവീണത്. പൈലറ്റും സഹപൈലറ്റും പരിക്കേല്‍ക്കാതെ രക്ഷപെട്ടു. അപകടത്തെക്കുറിച്ച് വ്യോമസേന അന്വേഷണം തുടങ്ങി.
Comments