സോളാര്‍ കേസില്‍ ഇന്നലെ പത്തനംതിട്ട കോടതി പുറപ്പെടുവിച്ച വിധി സര്‍ക്കാര്‍ നിലപാട് നൂറുശതമാനം ശരിവെക്കുന്നതാണെന്ന് മുഖ്യമന്ത്രി ഉമ്മന്‍ ചാണ്ടി. പ്രോസിക്യുഷനെയും അന്വേഷണ സംഘത്തെയും ജഡ്ജി വിധിന്യായത്തില്‍ തന്നെ അഭിനന്ദിച്ചിട്ടുണ്ട്. കേസ് നടത്തിയതിന്റെ വിജയമാണ് വിധി. സരിതയുടെ മുന്‍ അഭിഭാഷകന്‍ ഫെനി ബാലകൃഷ്ണന്‍ തനിക്കെതിരെ ഉന്നിയിച്ച ആരോപണങ്ങളെല്ലാം പച്ചക്കള്ളമാണെന്നും മുഖ്യമന്ത്രി വ്യക്തമാക്കി. 

വിധികൊണ്ട് ബുദ്ധിമുട്ടുണ്ടായവര്‍ പറയുന്നതില്‍ കാര്യമില്ലെന്നാണ് മുഖ്യമന്ത്രി പറയുന്നത്. സോളാര്‍ കേസില്‍ ഇപ്പോള്‍ പുറത്തുവരുന്ന കാര്യങ്ങളെല്ലാം വസ്തുതാ വിരുദ്ധമാണെന്നും താന്‍ സരിതക്ക് പണം നല്‍കിയിട്ടില്ലെന്നും അദ്ദേഹം ആവര്‍ത്തിച്ചു.