191 രാജ്യങ്ങളിലെ 251 നഗരങ്ങളില് യോഗാ പരിശീലനത്തോടെ അന്താരാഷ്ട്ര യോഗാദിനത്തിന് തുടക്കമായി. ന്യൂഡല്ഹിയില് നടന്നചടങ്ങില് പ്രധാനമന്ത്രി നരേന്ദ്രമോദിയുടെ നേതൃത്വത്തില് പതിനായിരങ്ങള് യോഗചെയ്തു. വിദ്യാര്ഥികളും വീട്ടമ്മമാരും ഉദ്യോഗസ്ഥരും അടക്കം 44,000 പേരാണ് രാജ്പഥില് വിരിച്ച പച്ചപരവതാനിയില് യോഗ ചെയ്യാനെത്തിയത്.
യോഗാദിനം സമാധാനത്തിന്റെ പുതുദിനമാണെന്നും അദ്ദേഹം പറഞ്ഞു. ഡല്ഹിയില് രാജ്പഥില് കനത്ത സുരക്ഷയോടെയാണ് യോഗദിനം ആചരിച്ചത്. ഒരുവേദിയില് ഏറ്റവും കൂടുതല് പേര് യോഗ ചെയ്തതിന്റെ ലോക റെക്കോര്ഡും രാജ്പഥിലെ ചടങ്ങ് പ്രതീക്ഷിക്കുന്നുണ്ട്.നൂറ്റാണ്ടുകളായി പ്രചാരത്തിലുള്ള യോഗ ശാസ്ത്രവും കലയുമാണെന്ന് രാഷ്ട്രപതി പ്രണബ് മുഖര്ജി അഭിപ്രായപ്പെട്ടു.
ഡല്ഹി മുഖ്യമന്ത്രി അരവിന്ദ് കെജ്രിവാളും യോഗയില് പങ്കെടുത്തു. യോഗ നല്ലതെന്നും എല്ലാവരും പരിശീലിക്കണമെന്നും അദ്ദേഹം മാധ്യമപ്രവര്ത്തകരോട് പറഞ്ഞു.
Comments