ഇസ്ലാമിക് സ്റ്റേറ്റ് ഭീകരരുടെ സോഷ്യല് മീഡിയ അക്കൗണ്ടുകള് കണ്ടെത്തി നശിപ്പിക്കാന് പ്രത്യേക പോലീസ് സേനയെ യൂറോപ്പ് നിയോഗിച്ചു.
ഭീകരഗ്രൂപ്പുമായി ബന്ധമുള്ള 45,000 മുതല് 50,000 വരെ അക്കൗണ്ടുകളില് നിന്ന് ദിവസേന ഒരുലക്ഷത്തിലധികം ട്വീറ്റുകളാണ് പ്രവഹിക്കുന്നതെന്ന് കഴിഞ്ഞദിവസം ദി ഗാര്ഡിയന് റിപ്പോര്ട്ട് ചെയ്തിരുന്നു. ഇതിനെത്തുടര്ന്നായിരുന്നു യൂറോപ്യന് യൂണിയന്റെ തീരുമാനം.
യൂറോപ്യന് പോലീസ് ഏജന്സിയായ യൂറോപ്പോള് ജൂലായ് ഒന്നുമുതല് ദൗത്യം ആരംഭിക്കും. യൂറോപ്പോള് ഡയറക്ടര് റോബ് വെയ്ന് റൈറ്റാണ് ഇക്കാര്യം അറിയിച്ചത്. വ്യത്യസ്ത രാജ്യങ്ങളില് പ്രവര്ത്തിക്കുന്ന സോഷ്യല് മീഡിയ കമ്പനികളുടെ സഹായത്തോടെയാണ് കൃത്യം നിര്വഹിക്കുന്നത്.
Comments