കേരളരാഷ്ട്രീയ ചരിത്രത്തിലെ കോളിളക്കം സൃഷ്ടിച്ച ബാര്‍കോഴ കേസ് അന്വേഷണത്തിനിടെ തനിക്ക് മേല്‍ വലിയ സമ്മര്‍ദ്ദമുണ്ടായെന്ന് ആഭ്യന്തരമന്ത്രി രമേശ് ചെന്നിത്തല. എന്നാല്‍ താനോ സര്‍ക്കാരോ ആ സമ്മര്‍ദ്ദത്തിന് വഴങ്ങിയില്ല എന്നും അദ്ദേഹം പറഞ്ഞു. 

ഈ പ്രസ്താവന പ്രതിപക്ഷ ബഹളത്തിന് ഇടയാക്കി. ആരാണ് സമ്മര്‍ദ്ദമുണ്ടാക്കിയത്? കോണ്‍ഗ്രസ്സോ? യുഡിഎഫിലെ മറ്റു ഘടകകക്ഷികളോ? ഇപ്പോള്‍ അത് വ്യക്തമാക്കണം- പ്രതിപക്ഷം ആവശ്യപ്പെട്ടു. എന്നാല്‍ അതിന് മന്ത്രി തയാറായില്ല. സിപിഎം നേതാവ് എ.കെ ബാലന്റെ ചോദ്യത്തിന് മറുപടിയായിട്ടാണ് മന്ത്രി വിവാദപ്രസ്താവന നടത്തിയത്