കേരളം പോലെ ഒരു സംസ്ഥാനത്തില് ഒരിക്കലും ഉണ്ടാകാന് പാടില്ലാത്ത സംഭവമാണ് അട്ടപ്പാടിയില് നടന്ന മധുവിന്റെ കൊലപാതകമെന്ന് മുന്മുഖ്യമന്ത്രി ഉമ്മന് ചാണ്ടി. തിരുവനന്തപുരത്ത് മാധ്യമങ്ങളോട് പ്രതികരിക്കുകയായിരുന്നു അദ്ദേഹം. സംഭവം അറിഞ്ഞയുടന് തന്നെ അട്ടപ്പാടിയിലുള്ള പാര്ട്ടി പ്രവര്ത്തകരെ വിളിച്ച് കാര്യങ്ങള് അന്വേഷിച്ചിരുന്നുവെന്നും അദ്ദേഹം പറഞ്ഞു. പ്രവര്ത്തകര് തന്ന വിവരങ്ങള് അനുസരിച്ചാണെങ്കില് മധു എന്ന യുവാവ് കാട്ടില് തന്നെ താമസിക്കുന്ന ഒരു ആദിവാസി യുവാവാണ്. മാത്രമല്ല അയാള്ക്ക് ചെറിയ തോതില് മാനസികപ്രശ്നം ഉണ്ടായിരുന്നു എന്നും അറിയാന് കഴിഞ്ഞു. ഇതു കാരണം സാധാരണ ചെറുപ്പക്കാരനെ പോലെ പെരുമാറാന് കഴിയാത്തതാവാം ഇങ്ങനെ ഒരു വിപത്തിലേക്ക് കാര്യങ്ങള് എത്തിച്ചതെന്ന് കരുതുന്നതായും ഉമ്മന്ചാണ്ടി കൂട്ടിച്ചേര്ത്തു.
Comments