തിരുവനന്തപുരം: സല്യൂട്ട് വിവാദത്തിന്‍െറ പശ്ചാത്തലത്തില്‍ എ.ഡി.ജി.പി ഋഷിരാജ് സിങ് മുഖ്യമന്ത്രി ഉമ്മന്‍ ചാണ്ടിയെ സന്ദര്‍ശിച്ചു. വിവാദത്തില്‍ വിശദീകരണം നല്‍കിയ അദ്ദേഹം താന്‍ ബോധപൂര്‍വ്വം തെറ്റൊന്നും ചെയ്തിട്ടില്ലെന്ന് മുഖ്യമന്ത്രിയെ ബോധിപ്പിച്ചു.

തൃശൂരില്‍ വനിതാ പോലീസ് പാസിംഗ് ഒൗട്ട് പരേഡില്‍ പങ്കെടുക്കാനെത്തിയ ആഭ്യന്തര മന്ത്രി രമേശ് ചെന്നിത്തലക്ക് മുഖം കൊടുക്കാതിരുന്ന ഋഷിരാജ് സിങിന്‍െറ നടപടിയാണ് വിവാദങ്ങള്‍ക്ക് വഴിവെച്ചത്. സംഭവത്തില്‍ ഋഷിരാജ് സിങിനു വീഴ്ച പറ്റിയതായി മുഖ്യമന്ത്രി മാധ്യമങ്ങളോടു വ്യക്തമാക്കിയിരുന്നു.