ആനവേട്ടക്കേസില്‍ കേന്ദ്ര ഏജന്‍സിയുടെ സഹായം തേടുമെന്ന് വനംവകുപ്പ് മന്ത്രി തിരുവഞ്ചൂര്‍ രാധാകൃഷ്ണന്‍ അറിയിച്ചു. വൈല്‍ഡ് ലൈഫ് ക്രൈം റെക്കോഡ്‌സ് ബ്യൂറോയുടെ സഹായമാണ് തേടുകയെന്നും അദ്ദേഹം പറഞ്ഞു. നിയമസഭയില്‍ വി.എസ് സുനില്‍കുമാറിന്റെ സബ്മിഷന് മറുപടി നല്‍കുയായിരുന്നു അദ്ദേഹം. സംസ്ഥാനത്തിന് പുറത്തുള്ളവര്‍ക്കും ആനവേട്ടയില്‍ ബന്ധമുണ്ടെന്നാണ് ആരോപണം. കേസില്‍ ഇതുവരെ 20 പ്രതികളെ അറസ്റ്റ് ചെയ്തിട്ടുണ്ട്.