സജീവ ക്രിക്കറ്റിലേക്ക് ഉടന്‍ മടങ്ങിയെത്താന്‍ കഴിയുമെന്ന് എസ്.ശ്രീശാന്ത്. ഡല്‍ഹിയില്‍ നിന്നു കൊച്ചിയില്‍ മടങ്ങിയെത്തിയ ശ്രീശാന്ത് വിമാനത്താവളത്തില്‍ മാധ്യമങ്ങളോടു പ്രതികരിക്കുകയായിരുന്നു. ഇന്നു തന്നെ പരിശീലനം ആരംഭിക്കും. കേസില്‍ നിന്നു കുറ്റവിമുക്തനാക്കപ്പെട്ടതോടെ ജീവിതമാണു തിരിച്ചു കിട്ടിയത്. ഇന്നുവരെ എല്ലാ പിന്തുണയും തന്നതു മലയാളികളും നാട്ടുകാരുമാണ്. പിന്തുണച്ച എല്ലാവര്‍ക്കും നന്ദിയുണ്ട്. ഏറെ വൈകാതെ സജീവ ക്രിക്കറ്റിലേക്കു മടങ്ങിയെത്താന്‍ കഴിയുമെന്നും ശ്രീശാന്ത് പറഞ്ഞു