അനാരോഗ്യം കാരണം താന്‍ മുന്‍പ്രസിഡന്റ് എ.പി.ജെ അബ്ദുള്‍ കലാമിന്റെ സംസ്‌കാരച്ചടങ്ങില്‍ പങ്കെടുക്കില്ലെന്ന് തമിഴ്‌നാട് മുഖ്യമന്ത്രി ജയലളിത വ്യക്തമാക്കി.
'താനേറെ ആദരിക്കുന്ന വ്യക്തിയാണ് കലാം. അദ്ദേഹത്തെ അവസാനമായി ഒന്നുകാണണമെന്ന് അതിയായ ആഗ്രഹമുണ്ട്. എന്നാല്‍ അരോഗ്യപ്രശ്‌നങ്ങള്‍ തന്നെ അതില്‍ നിന്ന് പിന്തിരിപ്പിക്കുന്നു'- ജയലളിത പറഞ്ഞു. ചെന്നൈയില്‍ നിന്ന് 600 കിലോമീറ്റര്‍ ദൂരെ രാമേശ്വരത്താണ് എ.പി.ജെ അബ്ദുള്‍ കലാമിന്റെ സംസ്‌കാരച്ചടങ്ങ് നടക്കുന്നത്.
ധനമന്ത്രി ഒ. പനീര്‍ശെല്‍വം, മന്ത്രിമാരായ നാഥം ആര്‍ വിശ്വനാഥ്, ആര്‍. വൈത്തലിങ്കം എന്നിവര്‍ തമിഴ്‌നാട് സര്‍ക്കാരിനെ പ്രതിനിധീകരിച്ച് ചടങ്ങില്‍ പങ്കെടുക്കും.
Comments