മഹാരാഷ്ട്രയിലെ താനെ ജില്ലയില് കല്യാണിനടുത്ത താക്കുര്ളിയില് മൂന്നുനില കെട്ടിടം തകര്ന്നുവീണ് ഒമ്പതുപേര് മരിച്ചു. മരിച്ചവരില് ഒരാള് മലയാളിയായ പന്തളം സ്വദേശിനി ഉഷ ഗുപ്തനാണ്. 46-കാരിയായ ഉഷയുടെ ഭര്ത്താവ് ഗുപ്തന് ഗുരുതരമായി പരിക്കേറ്റിട്ടുണ്ട്.
ചോറലാഗാവിലുള്ള 'മാതൃകൃപ' എന്ന കെട്ടിടമാണ് ചൊവ്വാഴ്ച രാത്രി തകര്ന്നത്. നാല് മലയാളികുടുംബങ്ങള് കെട്ടിടത്തില് താമസിക്കുന്നുണ്ട്. 12 പേര് അത്ഭുതകരമായി രക്ഷപ്പെട്ടു. 22 പേരെ നാട്ടുകാര് അവശിഷ്ടങ്ങള്ക്കിടയില് നിന്ന് രക്ഷപ്പെടുത്തി. പത്ത് പേര് ഗുരുതരമായി പരിക്കേറ്റ് ചികിത്സയിലാണ്.
Comments