മഹാരാഷ്ട്രക്ക് പിറകെ മാട്ടിറച്ചി നിരോധിക്കാന്‍ നിയമനിര്‍മാണം കൊണ്ടുവരുന്ന ഹരിയാന ഗോവധത്തിന് കൊലപാതകക്കുറ്റത്തിനുള്ള ശിക്ഷ നല്‍കാന്‍ തീരുമാനിച്ചു. ഇന്ത്യന്‍ ശിക്ഷാനിയമം 302ാം വകുപ്പുപ്രകാരം ശിക്ഷ നല്‍കുന്ന തരത്തിലാണ് ബി.ജെ.പി സര്‍ക്കാറിന്‍െറ നിയമനിര്‍മാണം.
ഗോവധം കൊലപാതകത്തിന് സമാനമാക്കി നിയമനിര്‍മാണം നടത്തുമെന്നത് ഹരിയാനയില്‍ ബി.ജെ.പിയുടെ തെരഞ്ഞെടുപ്പ് വാഗ്ദാനമായിരുന്നു. നിലവില്‍ ഗോവധത്തിന് സംസ്ഥാനത്തുള്ള പരമാവധി ശിക്ഷ അഞ്ചുവര്‍ഷം തടവും 5000 രൂപ പിഴയുമാണ്.
മാട്ടിറച്ചിയെ മറ്റ് മാംസങ്ങളില്‍നിന്ന് വേര്‍തിരിച്ചറിയാന്‍ സംസ്ഥാനമൊട്ടുക്കും ലബോറട്ടറികള്‍ സ്ഥാപിക്കുന്ന കാര്യം പരിഗണനയിലാണെന്ന് കൃഷി മന്ത്രി ഓംപ്രകാശ് ധന്‍കര്‍ പറഞ്ഞു. ഈ ലാബുകളിലെ പരിശോധനാഫലം ഗോവധം സംബന്ധിച്ച കേസുകളില്‍ കോടതികളില്‍ നിര്‍ണായക തെളിവുകളാകുമെന്നും അദ്ദേഹം പറഞ്ഞു.
ഗോക്കളെ സംരക്ഷിക്കാന്‍ സന്നദ്ധസംഘടനകള്‍ക്ക് സര്‍ക്കാര്‍ സാമ്പത്തികസഹായം നല്‍കും.
Comments