പ്രേമം സിനിമയുടെ പതിപ്പ് ചോര്ന്ന കേസില് മൂന്നുപേര് അറസ്റ്റിലായി. നെടുമങ്ങാട് സ്വദേശികളായ അരുണ് കുമാര്, നിധിന്, കോവളം സ്വദേശികുമാരന് എന്നിവരാണ് അറസ്റ്റിലായത്. സെന്സര് ബോര്ഡ് ആസ്ഥാനത്തെ താല്ക്കാലിക ജീവനക്കാരായ ഇവരെ ഇന്ന് പുലര്ച്ചെയാണ് അറസ്റ്റ് ചെയ്തത്. സിനിമ ചോര്ന്നത് സെന്സര് ബോര്ഡില് നിന്നാണെന്നും സെന്സര് ബോര്ഡ് കോപ്പി പുറത്തായതില് ഇവര്ക്കുള്ള പങ്കിന് തെളിവ് ലഭിച്ചിട്ടുണ്ടെന്നും ആന്റി പൈറസി സെല് അറിയിച്ചു. കൃത്യമായ സങ്കേതിക തെളിവിന്റെ അടിസ്ഥാനത്തിലാണ് ഇവരെ അറസ്റ്റ് ചെയ്തതെന്ന് ആന്റിപൈറസി സെല് ഡി.വൈ.എസ്.പി എം. ഇക്ബാല് അറിയിച്ചു.
പ്രേമം സിനിമയുടെ കോപ്പി ഇന്്റര്നെറ്റില് പ്രചരിച്ച കേസില് പൊലീസ് പിടിച്ചെടുത്ത ഹാര്ഡ് ഡിസ്കുകള്, മൊബൈല് ഫോണ്, ഡിവിഡി എന്നിവ ഫൊറന്സിക് പരിശോധനയ്ക്ക് അയച്ചിരുന്നു. സിനിമയുടെ എഡിറ്റിങ് നടന്ന തിരുവനന്തപുരം, കൊച്ചി, ചെന്നൈ എന്നീ സ്റ്റുഡിയോകളില് നിന്നു പിടിച്ചെടുത്ത 32 ഹാര്ഡ് ഡിസ്കുകള്, ഡി.വി.ഡികള്, മൊബൈല് ഫോണുകള് എന്നിവയാണ് ആന്റി പൈറസി സെല് പരിശോധിക്കുന്നത്.
Comments