കോടതിയെ തെറ്റിദ്ധരിപ്പിക്കുന്ന വിധത്തില്‍ ഹര്‍ജി സമര്‍പ്പിച്ചതിന് ബി.ജെ.പി. പശ്ചിമബംഗാള്‍ ഘടകത്തിന് കല്‍ക്കട്ട ഹൈക്കോടതി 10 ലക്ഷം രൂപ പിഴയിട്ടു.
മുഖ്യമന്ത്രി മമത ബാനര്‍ജിയുടെ സഹോദരപുത്രന്‍ അഭിഷേകിനെതിരെ വിദ്വേഷപ്രസംഗത്തിന്റെ പേരില്‍ നടപടിയാവശ്യപ്പെട്ടുകൊണ്ടുള്ള ഹര്‍ജി തള്ളിക്കൊണ്ടാണ് ഈ ഉത്തരവ്. രണ്ടുമാസം മുമ്പ് പാര്‍ട്ടിയോഗത്തില്‍ പ്രസംഗിക്കുമ്പോള്‍ ബംഗാളിനെ വിരട്ടാന്‍നോക്കുന്ന കണ്ണുകള്‍ ചൂഴ്‌ന്നെടുക്കുമെന്നും കൈകള്‍ വെട്ടിമാറ്റുമെന്നും അഭിഷേക് ബാനര്‍ജി ആക്രോശിച്ചിരുന്നു. ഇതിനെതിരെ സ്വതന്ത്രാന്വേഷണം വേണമെന്നും അഭിഷേകിനെതിരെ നടപടിയെടുക്കണമെന്നുമാവശ്യപ്പെട്ട് ബി.ജെ.പി. സംസ്ഥാനസമിതി ഓഫീസ് സെക്രട്ടറി എ.കെ.ഗുഹ റോയിയാണ് ഹര്‍ജി നല്‍കിയത്.
Comments