ഓണാഘോഷത്തിനിടെ വിദ്യാര്ഥികള് ഓടിച്ച ജീപ്പിടിച്ച് പരിക്കേറ്റ തിരുവനന്തപുരം എന്ജിനിയറിങ് കോളേജിലെ വിദ്യാര്ഥിനി മരിച്ചു. മലപ്പുറം വഴിക്കടവ് കുന്നത്ത് പുല്ലഞ്ചേരി വീട്ടില് തസ്നി ബഷീറാണ് മരിച്ചത്. സിവില് എന്ജിനിയറിങ് അഞ്ചാം സെമസ്റ്റര് വിദ്യാര്ഥിനിയാണ് തസ്നി. ബുധനാഴ്ച വൈകീട്ട് നാലേകാലോടെയായിരുന്നു സംഭവം. ഗുരുതരമായി പരിക്കേറ്റ് തിരുവനന്തപുരത്തെ സ്വകാര്യ ആശുപത്രിയിലെ തീവ്രപരിചരണ വിഭാഗത്തില് പ്രവേശിപ്പിക്കപ്പെട്ട തസ്നി വെള്ളിയാഴ്ച പുലര്ച്ചെ 12 മണിയോടെയാണ് മരിച്ചത്. മൂന്ന് അടിയന്തര ശസ്ത്രക്രിയകള് നടത്തിയെങ്കിലും ജീവന് രക്ഷിക്കാനായില്ല.
Comments