ഓഹരി വിപണിയില്‍ വെള്ളിയാഴ്ചയിലെ ഇടിവുമൂലം നിക്ഷേപകര്‍ക്കുണ്ടായ നഷ്ടം 1.92 ലക്ഷം കോടി രൂപ. ബിഎസ്ഇയില്‍ ലിസ്റ്റ് ചെയ്ത കമ്പനികളുടെ വിപണി മൂല്യം 1,92,604.36 കോടിയില്‍നിന്ന് 93,83,643 കോടിയായി കുറഞ്ഞതോടെയാണിത്.

30 ഓഹരികളടങ്ങിയ സൂചികയില്‍ 28 എണ്ണവും നഷ്ടത്തിലായിരുന്നു. വേദാന്ത, ഗെയില്‍, ടാറ്റ സ്റ്റീല്‍, ഹിന്‍ഡാല്‍കോ തുടങ്ങിയവയാണ് കനത്ത നഷ്ടമുണ്ടാക്കിയത്. ഭാരതി എയര്‍ടെല്‍, കോള്‍ ഇന്ത്യ എന്നിവ മാത്രമാണ് നേട്ടത്തില്‍ ക്ലോസ് ചെയ്തത്.