കര്‍ണാടകയില്‍ കര്‍ഷക സംഘടനകള്‍ ഇന്ന് ബന്ദ് ആചരിക്കുന്നു. സംസ്ഥാനത്ത് കര്‍ഷകആത്മഹത്യകള്‍ പെരുകിവരുന്ന സാഹചര്യത്തില്‍ കരിമ്പുകര്‍ഷകരുടെ അസോസിയേഷനുകള്‍, കര്‍ണാടക രാജ്യ റൈത്ത സംഘ്, ഹസിരു സേന എന്നീ സംഘടനകളുടെ നേതൃത്വത്തിലാണ് ബന്ദ്. കര്‍ഷക പ്രശ്നങ്ങളില്‍ കേന്ദ്ര-സംസ്ഥാന സര്‍ക്കാരുകള്‍ സ്വീകരിച്ച നിലപാടുകളില്‍ പ്രതിഷേധിച്ചാണ് സംഘടനകള്‍ ബന്ദിന് ആഹ്വാനം ചെയ്തിട്ടുള്ളത്.
മൈസൂരിലെ കര്‍ഷകര്‍ക്ക് വിദര്‍ഭ മോഡല്‍ പാക്കേജ് അനുവദിക്കുക, വരള്‍ച്ച കാരണം കൃഷിയിറക്കാന്‍ കഴിയാത്ത കര്‍ഷകര്‍ക്ക് ഏക്കറിന് 10,000 രൂപ വീതം അനുവദിക്കുക, കര്‍ഷകര്‍ക്കായി കോര്‍പസ് ഫണ്ട് രൂപീകരിക്കുക, ജീവനൊടുക്കിയ കര്‍ഷകരുടെ കുടുംബങ്ങള്‍ക്കു നഷ്ടപരിഹാരം പൂര്‍ണമായും നല്‍കുക, കരിമ്പുകര്‍ഷകര്‍ക്ക് പഞ്ചസാര മില്‍ ഉടമകള്‍ നല്‍കാനുള്ള കുടിശിക കൊടുത്തുതീര്‍ക്കുക തുടങ്ങിയ ആവശ്യങ്ങളാണ് സംഘടനകള്‍ ഉന്നയിക്കുന്നത്.
Comments