തെരഞ്ഞെടുപ്പുകളിൽ കോൺഗ്രസും എൻ.സി.പിയും സഖ്യകക്ഷികളായി മൽസരിക്കാൻ ധാരണ. മഹാരാഷ്ട്ര നിയമസഭാ തെരഞ്ഞെടുപ്പിലും ലോക്സഭ തെരഞ്ഞെടുപ്പിലും ഇരു പാർട്ടികൾ ഒന്നിച്ചു മൽസരിക്കുമെന്നാണ് എൻ.സി.പി അധ്യക്ഷൻ ശരത് പവാർ വ്യക്തമാക്കിയിട്ടുള്ളത്.

അതേസമയം, കേരളത്തിൽ എൻ.സി.പി ഇടതുപക്ഷ ജനാധിപത്യ മുന്നണിയുടെ ഭാഗമായി തുടരുമെന്നും പാർട്ടി കേന്ദ്ര നേതൃത്വം വ്യക്തമാക്കി. വരുന്ന ലോക്സഭ തെരഞ്ഞെടുപ്പിൽ രാഹുൽ ഗാന്ധിയുടെ നേതൃത്വത്തിൽ  കോൺഗ്രസ് ബി.ജെ.പിക്കെതിരെ പ്രതിപക്ഷ പാർട്ടികളുടെ ഐക്യം കൊണ്ടു വരുന്നതിന് എൻ.സി.പിയുമായുള്ള സഖ്യം ഗുണം ചെയ്യുമെന്നാണ് വിലയിരുത്തൽ.