ന്യൂഡല്ഹി: പ്രധാനമന്ത്രി നരേന്ദ്ര മോദിയുടെ യു.എസ് സന്ദര്ശനത്തിനു വേണ്ടി തയാറാക്കിയ എയര് ഇന്ത്യ വിമാനത്തില് നിന്ന് നിര്വീര്യമാക്കിയ ഗ്രനേഡ് കണ്ടെത്തി. പ്രധാനമന്ത്രിയുടെ വിമാനത്തിന് തകരാറുണ്ടായാല് പകരം ഉപയോഗിക്കാന് തയാറാക്കിയ ബോയിങ്-747 വിമാനത്തിലാണ് കഴിഞ്ഞ ദിവസം ഗ്രനേഡ് കണ്ടെത്തിയത്.
മുംബൈയില് നിന്ന് ഹൈദരാബാദ് വഴി ജിദ്ദയിലേക്ക് സര്വീസ് നടത്തുന്ന എയര് ഇന്ത്യ വിമാനത്തിലെ ജീവനക്കാരാണ് കഴിഞ്ഞ രാത്രിയില് ഗ്രനേഡ് കണ്ടെത്തിയത്. വിമാനം ജിദ്ദയില് ഇറങ്ങിയ ഉടന് തന്നെ ജീവനക്കാര് വിവരം വിമാനത്താവളത്തിലെ സുരക്ഷാ ഉദ്യോഗസ്ഥരെ അറിയിച്ചു. വിമാനത്തില് പരിശോധന നടത്തിയ സുരക്ഷാ ഉദ്യോഗസ്ഥര് ഗ്രനേഡ് നീക്കം ചെയ്തു.
വിമാനത്തില് ഗ്രനേഡ് കണ്ടെത്തിയ സംഭവം സ്ഥിരീകരിച്ച എയര് ഇന്ത്യ അധികൃതര്, അന്വേഷണം നടത്തുകയാണെന്ന് അറിയിച്ചു. സെപ്റ്റംബര് 25നാണ് അഞ്ച് ദിവസത്തെ യു.എസ് സന്ദര്ശനത്തിനായി പ്രധാനമന്ത്രി പുറപ്പെട്ടത്.
Comments