പട്ടികജാതി, പട്ടികവര്ഗക്കാര്ക്ക് കഴിഞ്ഞ കാല്നൂറ്റാണ്ടില് നല്കിയ ആനുകൂല്യങ്ങളില് എത്രശതമാനം അവരുടെ പക്കലെത്തിയെന്ന് നിയമസഭാസമിതി അന്വേഷിക്കണമെന്ന് ചീഫ്വിപ്പ് പി.സി.ജോര്ജ് പത്രസമ്മേളനത്തില് ആവശ്യപ്പെട്ടു. സഹായങ്ങള് തട്ടിയെടുത്തവരെ മാതൃകാപരമായി ശിക്ഷിക്കണം. ഇക്കാര്യം ആവശ്യപ്പെട്ട് മുഖ്യമന്ത്രിക്ക് കത്തും നല്കി.
മാവോയിസ്റ്റ് ഭീഷണി നിലനില്ക്കുന്ന സാഹചര്യത്തില്, ഈ അന്വേഷണത്തിന് പ്രസക്തിയുണ്ട്. അവഗണനയുടെ ഭാരം ചുമക്കുന്നവരാണ് ആദിവാസിജനവിഭാഗങ്ങള്. തീവ്രവാദപ്രചാരണം നടത്തുന്നവര് വിജയിക്കാതിരിക്കണമെങ്കില് ദളിത് വിഭാഗങ്ങള്ക്ക് നിയമപരമായ എല്ലാ സംരക്ഷണവും ഉറപ്പുവരുത്തണമെന്നും അദ്ദേഹം പറഞ്ഞു.
Comments