ലണ്ടന് സന്ദര്ശനവേളയില് ഡോക്ടര്മാരെക്കുറിച്ച് പ്രധാനമന്ത്രി നരേന്ദ്ര മോദി നടത്തിയ പരാമര്ശങ്ങളില് പ്രതിഷേധവുമായി ഓള് ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസിലെ ഡോക്ടര്മാര്. ഡോക്ടര്മാര്ക്കിടയിലെ അഴിമതിയേയും അധാര്മികതകളെയും കുറിച്ച് പ്രധാനമന്ത്രി നടത്തിയ പരാമര്ശങ്ങള്ക്കെതിരെ റസിഡന്റ് ഡോക്ടര്മാരുടെ സംഘടനയായ ആര്ഡിഎ ആണ് രംഗത്തെത്തിയത്. ഇക്കാര്യം ചൂണ്ടിക്കാട്ടി നിരവധി ഡോക്ടര്മാര് പ്രധാനമന്ത്രി നരേന്ദ്ര മോദിക്ക് കത്തെഴുതി. വിലകൂടിയ മരുന്നുകള് രോഗികള്ക്ക് നിര്ദേശിക്കുന്നതിന് വിദേശയാത്രകളടക്കമുള്ള പാരിതോഷികങ്ങള് കമ്പനികളില്നിന്ന് സ്വീകരിക്കുന്നതായി പ്രധാനമന്ത്രി നടത്തിയ പരാമര്ശം അപമാനകരമാണെന്ന് ഡോക്ടര്മാര് ആരോപിക്കുന്നു. ഡോക്ടര്മാരെ അടച്ചാക്ഷേപിക്കുന്നതിലൂടെ അന്താരാഷ്ട്ര വേദിയില് ഡോക്ടര്മാരുടെ സമൂഹത്തെ ഒന്നാകെ കരിപൂശുകയാണ് പ്രധാനമന്ത്രി ചെയ്തതെന്നും ഡോക്ടര്മാര് ചൂണ്ടിക്കാട്ടുന്നു.
Comments