ഇ.എസ്. ബിജിമോള്‍ എംഎല്‍എ എഡിഎമ്മിനെ കൈയേറ്റം ചെയ്തുവെന്ന് പരാതി. രാവിലെ പതിനൊന്നോടെ പെരുവന്താനം തെക്കേമലയിലാണ് സംഭവം. സഞ്ചാര സ്വാതന്ത്ര്യം തടഞ്ഞുകൊണ്ട് ട്രാവന്‍കൂര്‍ റബര്‍ ആന്‍ ടീ കമ്പനി ഉടമ തെക്കേമലയില്‍ സ്ഥാപിച്ച ഗേറ്റ് ആര്‍ടിഒ കഴിഞ്ഞ ദിവസം നീക്കംചെയ്തു. ഈ തീരുമാനം ഹൈക്കോടതി സ്‌റ്റേ ചെയ്തതിന്റെ അടിസ്ഥാനത്തില്‍ പീരുമേട് എഡിഎം മോന്‍സി പി. അലക്‌സാണ്ടറിന്റെ നേതൃത്വത്തിലുള്ള സംഘം ഗേറ്റ് പുനസ്ഥാപിക്കാന്‍ എത്തിയിരുന്നു. ഈ നീക്കമാണ് ബിജിമോള്‍ എംഎല്‍എയുടെ നേതൃത്വത്തിലുള്ള സംഘം തടഞ്ഞത്. തുടര്‍ന്ന് വാക്കേറ്റവും തുടര്‍ന്ന് ഉന്തുംതള്ളും ഉണ്ടായി. ഇതിനിടെയാണ് എംഎല്‍എ എഡി എമ്മിനെ കൈയേറ്റം ചെയ്തതെന്നാണ് പരാതി.