അതിര്‍ത്തി കടന്ന് നുഴഞ്ഞു കയറാന്‍ ശ്രമിച്ച മൂന്നു പേരെ സുരക്ഷാസേന വെടിവെച്ചു കൊന്നു. കശ്മീരിലെ ഉറി സെക്ടറിലെ നുഴഞ്ഞുകയറ്റ ശ്രമമാണ് ഇന്ത്യന്‍ സേന പരാജയപ്പെടുത്തിയത്. ബാരാമുല്ല ജില്ലയിലെ ബൊന്യാറില്‍ നിയന്ത്രണരേഖ കടക്കാന്‍ ശ്രമിക്കുന്ന നാലുപേരടങ്ങുന്ന സംഘവുമായാണ് ഇന്ത്യന്‍സേന ഏറ്റുമുട്ടിയത്.
സംഘട്ടനത്തിനിടെ ഒരു ഇന്ത്യന്‍ ജവാനും കൊല്ലപ്പെട്ടിട്ടുണ്ട്. നിരവധിപേര്‍ക്ക് പരിക്കേറ്റു. ഏറ്റുമുട്ടല്‍ ഇപ്പോഴും തുടരുകയാണ്.

പാകിസ്താനില്‍ നിന്നാണ് നുഴഞ്ഞു കയറ്റമുണ്ടായതെന്ന് ഇന്ത്യന്‍ സേന സ്ഥിരീകരിച്ചു. എന്നാല്‍ ആരോപണം പാകിസ്താന്‍ നിഷേധിച്ചിട്ടുണ്ട്.