ദേശീയ ഗെയിംസ് നടത്തിപ്പുമായി ബന്ധപ്പെട്ട് അനാവശ്യ ആരോപണങ്ങള് ഉന്നയിച്ച് ഉദ്യോഗസ്ഥരുടെ മനോവീര്യം കെടുത്തരുതെന്ന് മുഖ്യമന്ത്രി ഉമ്മന്ചാണ്ടി. ഗെയിംസ് നടത്തിപ്പിലെ വീഴ്ചകള് സംബന്ധിച്ച മാധ്യമ പ്രവര്ത്തകരുടെ ചോദ്യത്തിനാണ് മുഖ്യമന്ത്രി മറുപടി നല്കിയത്.
ക്രമക്കേടുകള് സംബന്ധിച്ച ആരോപണങ്ങളില് കഴമ്പുണ്ടോയെന്ന് പരിശോധിക്കും. എന്നാല്, ആരെങ്കിലും ആരോപണം ഉന്നയിച്ചുവെന്ന് കരുതി പരിപാടികള് നടത്താതിരിക്കാന് കഴിയില്ല. ദേശീയ ഗെയിംസിന്റെ കൗണ്ട് ഡൗണ് പരിപാടിയില് ഒന്നിച്ച് പങ്കെടുത്തവരാണ് പിറ്റേദിവസം ആരോപണങ്ങളുമായി രംഗത്തുവന്നതെന്നും മുഖ്യമന്ത്രി പറഞ്ഞു. ദേശീയ ഗെയിംസ് വിഷയത്തില് ആദ്യമായാണ് മുഖ്യമന്ത്രിയുടെ പ്രതികരണം.
ഗെയിംസ് നടത്തിപ്പിലെ വീഴ്ചകള് ചൂണ്ടിക്കാട്ടി കോണ്ഗ്രസ് എം എല് എമാര് അടക്കമുള്ളവര് രംഗത്തെത്തിയതിന് പിന്നാലെയാണ് മുഖ്യമന്ത്രി ഈ വിഷയത്തില് പ്രതികരിച്ചത്.
Comments