ചണ്ഡിഗഢ്∙ ഹരിയാന സർക്കാരിനെ രൂക്ഷമായി വിമർശിച്ചു ഹൈക്കോടതി. ആക്രമണങ്ങള് നിയന്ത്രിക്കുന്നതില് സർക്കാർ പരാജയപ്പെട്ടെന്നു ഹൈക്കോടതി ചൂണ്ടിക്കാട്ടി. നാട് കത്തിയെരിയുമ്പോള് മുഖ്യമന്ത്രി മനോഹര്ലാല് ഖട്ടര് കയ്യും കെട്ടിയിരുന്നു എന്നാണു പഞ്ചാബ്, ഹരിയാന ഹൈക്കോടതി പറഞ്ഞത്. കലാപത്തിന്റെ പശ്ചാത്തലത്തില് ഹരിയാന മുഖ്യമന്ത്രിയെ കേന്ദ്രസര്ക്കാര് ഡല്ഹിക്കു വിളിപ്പിച്ചതിനു പിന്നാലെയാണു ഹൈക്കോടതിയുടെ വിമർശനം. കലാപം അടിച്ചമര്ത്തുന്നതില് പരാജയപ്പെട്ട ഹരിയാന സര്ക്കാര് അക്രമികള്ക്കു കീഴടങ്ങിയോ എന്നും ഹൈക്കോടതി ചോദിച്ചു. ആഭ്യന്തരമന്ത്രി രാജ് നാഥ് സിങ്ങിന്റെ നേതൃത്വത്തില് ഡല്ഹിയില് ഉന്നതതലയോഗം ചേര്ന്നു സ്ഥിതിഗതികള് വിലയിരുത്തി. മുഖ്യമന്ത്രിക്ക് എങ്ങനെയാണു കാര്യങ്ങളക്കുറിച്ചു ബോധ്യമില്ലാതിരിക്കുന്നതെന്നും കോടതി രൂക്ഷഭാഷയില് ചോദിച്ചു. അതിനിടെ, ദേര സച്ചാ സൗദയുടെ ഹരിയാനയിലെ ആസ്ഥാനത്തിന്റെ നിയന്ത്രണം സൈന്യം ഏറ്റെടുത്തു. റാം റഹിമിന്റെ അനുയായികളെ സംഘര്ഷമേഖലയില്നിന്ന് ഒഴിപ്പിക്കാനുള്ള നടപടി പുരോഗമിക്കുകയാണ്. ഒരു ലക്ഷത്തോളം അനുയായികള് തമ്പടിച്ചിരിക്കുന്ന സിര്സയിലെ ആസ്ഥാനത്തു സൈന്യവും ദ്രുതകര്മസേനയും അക്രമം നേരിടാനുള്ള പൂര്ണസന്നാഹങ്ങളുമായി രംഗത്തുണ്ട്. അനുയായികളെ ഒഴിപ്പിച്ചശേഷം, കുരുക്ഷേത്രയിലെ ഒന്പത് ആശ്രമങ്ങള് ജില്ലാ ഭരണകൂടവും പൊലീസും ചേര്ന്ന് അടച്ചുപൂട്ടി. ഇവിടെനിന്നു മാരാകായുധങ്ങള് പിടിച്ചെടുത്തു. പ്രതിരോധമന്ത്രി അരുൺ ജയ്റ്റ്ലി, ദേശീയ സുരക്ഷാ ഉപദേഷ്ടാവ് അജിത് ഡോവൽ തുടങ്ങിയവരും യോഗത്തിൽ പങ്കെടുത്തു.
Comments