ലണ്ടനില്‍ ഭൂഗര്‍ഭ മെട്രോയില്‍ ഉണ്ടായ ആക്രമണത്തിന്റെ ഉത്തരവാദിത്തം ഭീകര സംഘടനയായ ഇസ്ലാമിക് സ്റ്റേറ്റ് ഏറ്റെടുത്തു. സംഭവം ഭീകരാക്രമണമെന്ന് സ്ഥിരീകരിച്ച സാഹചര്യത്തില്‍ ലണ്ടന്‍ അതീവ ജാഗ്രതയിലാണ്. ഭീകരാക്രമണ സാധ്യത വളരെ കൂടുതലാണെന്നും വീണ്ടുമൊരു ആക്രമണം കൂടി ഉണ്ടായേക്കാമെന്നും ബ്രിട്ടീഷ് പ്രധാനമന്ത്രി തെരേസ മേ പറഞ്ഞു. പൊലീസിന് സഹായവുമായി പട്ടാളത്തേയും വിന്യസിച്ചിട്ടുണ്ടെന്ന് മേ അറിയിച്ചു. ബക്കിങ്ഹാം കൊട്ടാരമടക്കമുള്ള അതീവ സുരക്ഷാ മേഖലയില്‍ ഇനി പട്ടാളമാകും സുരക്ഷാ ചുമതല വഹിക്കുക. അതേസമയം ഇന്നലെ നടന്ന ആക്രമണത്തില്‍. പരിക്കേറ്റവരുടെ എണ്ണം 29 ആയി.