ന്യൂഡല്‍ഹി: നിലവില്‍ യുഎസ് സര്‍ക്കാര്‍ നല്‍കിയ പ്രോജക്ട് കരാറുകളുടെ പ്രോഗ്രസ് റിപ്പോര്‍ട്ട് സമര്‍പ്പിക്കാന്‍ ഇന്ത്യന്‍ കമ്പനികള്‍ക്ക് നിര്‍ദ്ദേശം നല്‍കി. നാല് മാസം കൊണ്ടാവും ഈ കരാറുകളുടെ പുരോഗതി യുഎസ് സര്‍ക്കാര്‍ വിലയിരുത്തുക. കോഗ്നിസന്റ്, ടാറ്റാ കണ്‍സള്‍ട്ടന്‍സി സര്‍വ്വീസ്,ഇന്‍ഫോസിസ് തുടങ്ങിയവയാണ് യുഎസ് സര്‍ക്കാരിന്റെ കരാറുകള്‍ ഏറ്റെടുത്ത് പൂര്‍ത്തിയാക്കുന്ന കമ്പനികളില്‍ പ്രമുഖര്‍. 3.2 മുതല്‍3.5 വരെ കൂടുതല്‍ ആഗോള സാധ്യതകളാണ് മറ്റ് കമ്പനികളെ അപേക്ഷിച്ച് ഈ കമ്പനികള്‍ക്ക് ഇതിലൂടെ ലഭിക്കുന്നത്. കരാര്‍ പുനപ്പരിശോധിച്ച് പ്രോജക്ട് റിപ്പോര്‍ട്ടുകള്‍ വിലയിരുത്താനുള്ള ട്രംപിന്റെ നീക്കം അമേരിക്കന്‍ കമ്പനികള്‍ക്കാവും നേട്ടമാവുക. തൊഴില്‍ സാധ്യതകള്‍ സ്വന്തം രാജ്യത്ത് തന്നെ നിലനിര്‍ത്താനുള്ള ട്രംപ് ഭരണകൂടത്തിന്റെ നീക്കമായി തന്നെയാണ് ഈ പുനപ്പരിശോധന കാലയളവിനേയും കണക്കാക്കുന്നത്. പ്രസിഡന്റ് തിരഞ്ഞെടുപ്പ് കാലത്ത് ട്രംപിന്റെ പ്രധാന വാഗ്ദാനം കൂടിയായിരുന്നു ഇത്. അങ്ങനെയെങ്കില്‍ അത് ഇന്ത്യന്‍ ഐടി കമ്പനികള്‍ക്ക് വലിയ തിരിച്ചടിയാവും നല്‍കുക. റിപ്പോര്‍ട്ടുകള്‍ പ്രകാരം അമേരിക്കന്‍ ഐടി മേഖലയില്‍ ഇന്ത്യന്‍ ടെക്കിളാണ് കൂടുതലുള്ളത്.
Comments