122ാം മാരാമണ്‍ കണ്‍വെന്‍ഷന്‍ ഈ മാസം 12 മുതല്‍ 19 വരെ നടക്കാനിരിക്കെയാണ് സ്‌ത്രീകളുടെ വിലക്ക് വീണ്ടും വിവാദമാകുന്നത്. ഒരുക്കങ്ങള്‍ വിലയിരുത്താന്‍ ഇക്കഴിഞ്ഞ 27ന് ചേര്‍ന്ന് മാനേജിംഗ് കമ്മിറ്റി യോഗത്തില്‍ വിലക്കിനെ ചൊല്ലി തര്‍ക്കമുണ്ടായി. വിലക്ക് പിന്‍വലിക്കണമെന്ന പ്രമേയം ചര്‍ച്ച ചെയ്യണമെന്ന ഒരു വിഭാഗത്തിന്റെ ശ്രമം സഭാ നേതൃത്വം ഇടപെട്ട് തടഞ്ഞു. പമ്പാനദിക്കരയിലെ കണ്‍വെന്‍ഷനില്‍ രാത്രിയുള്ള വിലക്കിനു കാരണം സുരക്ഷാ പ്രശ്നമാണെന്നാണ് സഭയുടെ വിശദീകരണം.