പുലർച്ചെ രണ്ടുമണിയോടെയാണ് സംഭവം. വീടിന് പുറത്ത് വലിയ ശബ്ദം കേട്ട്, പുറത്തിറങ്ങി നോക്കിയ ഷാനവാസ് കാർ കത്തുന്നതാണ് കണ്ടത്. പടർന്നു പിടിച്ച തീ അണയ്ക്കാനുള്ള വീട്ടുകാരുടെ ശ്രമം പരാജയപ്പെട്ടു. തുടർന്ന് അഗ്നിശമന സേനയുടെ രണ്ട് യൂണിറ്റ് സ്ഥലത്തെത്തിയാണ് തീയണച്ചത്. കാർ പൂർണ്ണമായും കത്തിനശിച്ചു. രണ്ട് മാസം മുമ്പ്, ഷാനവാസിൻരെ മറ്റൊരു കാറും  തീവച്ച് നശിപ്പിച്ചിരുന്നു. സംഭവവുമായി ബന്ധപ്പെട്ട് മംഗലപുരം സ്വദേശിയായ ഷാൻ എന്നയാളെ അന്ന് പൊലീസ് കസ്റ്റഡിയിൽ എടുത്തിരുന്നു.