സംസ്ഥാന സർക്കാരിന്‍റെ ഹരിത കേരള മിഷൻ  സംസ്ഥാന തല ഉദ്ഘാടനം തിരുവന്തപുരത്ത് നടന്നു. അമരവിള കളത്തറയ്ക്കൽ പാടശേഖരത്തെ കർഷകതൊഴിലാളികൾക്ക് ഞാറ് കൈമാറിയാണ് പദ്ധതിക്ക് തുടക്കമിട്ടത്. മുഖ്യമന്ത്രി പിണറായി വിജയൻ, ഹരിതകേരളം ബ്രാൻഡ് അംബാസിഡർ കെജെ യേശുദാസ്, നടി മഞ്ജുവാര്യർ തുടങ്ങിയവർ ചടങ്ങിൽ പങ്കെടുത്തു. വരും തലമുറയ്ക്കായി നല്ല മണ്ണും വിണ്ണും സമ്മാനിക്കുകയാണ് പദ്ധതിയുടെ ലക്ഷ്യമെന്ന് മുഖ്യമന്ത്രി പറഞ്ഞു.